जनकपुरधाम /
जनता समाजवादी पार्टी (जसपा) नेपालका संसदीय दलका नेता सरोजकुमार यादव मधेश प्रदेशको मुख्यमन्त्रीमा नियुक्त भएका छन्। प्रदेश प्रमुख डा. सुरेन्द्रलाभ कर्णले नेपालको संविधानको धारा १६८ को उपधारा (३) बमोजिम शनिबार उनलाई मुख्यमन्त्री पदमा नियुक्त गरेका हुन्।संविधानको धारा १६८ को उपधारा (२) अनुसार दुई वा दुईभन्दा बढी दलको समर्थनमा बहुमत जुटाएर दाबी पेस गर्न प्रदेश प्रमुखको कार्यालयले शुक्रबार दिउँसो ४ बजेसम्मको समयसीमा निर्धारण गरेको थियो। तर, तोकिएको समयसीमाभित्र कुनै पनि दल वा प्रदेशसभा सदस्यबाट बहुमतको दाबी नपरेपछि प्रदेशसभामा सबैभन्दा ठूलो दलको संसदीय दलका नेताको रूपमा यादवलाई मुख्यमन्त्री नियुक्त गरिएको हो।मुख्यमन्त्रीमा नियुक्त भएसँगै यादवको नेतृत्वमा प्रदेशमा नयाँ सरकार गठनको प्रक्रिया औपचारिक रूपमा अघի बढेको छ। अब नवनियुक्त मुख्यमन्त्री यादवले संविधानले तोकेको समयावधिभित्र प्रदेशसभाबाट विश्वासको मत लिनुपर्ने संवैधानिक बाध्यতা रहेको छ।






