काठमाडौं /

बाँके प्रहरीले प्रेम तथा शारीरिक सम्बन्धको जालमा पारेर  असुल गर्ने कार्यमा सङ्लग्न आरोपमा एक महिलालाई पक्राउ गरेको छ ।रामेछापको गोकुलगङ्गा गाउँपालिका–२ घर भई हाल काठमाडौँ महानगरपालिका –१०, सुकेधारामा कोठा भाडामा लिएर बस्दैआएकी ३० वर्षीया सविता श्रेष्ठ रहेकी छन् ।प्रहरीका अनुसार श्रेष्ठले बाँकेको बैजनाथ गाउँपालिका –२ बस्ने ३२ वर्षीय एक पुरुषलाई ब्ल्याकमेलिङ गरी आपराधिक लाभ उठाउने योजना बनाएकी थिइन् । प्रारम्भिक अनुसन्धानअनुसार उनले ती पुरुषलाई माया, प्रेम तथा शारीरिक सम्बन्धको जालमा पारी त्यसपछि विभिन्न मुद्दामा फसाइदिने भन्दै डर, त्रास र धम्की दिएकी थिइन् ।धम्की दिएर पटक–पटक नगद तथा जिन्सी सामान लिन थालेपछि पीडितको उजुरीका आधारमा प्रहरीले अनुसन्धान अघि बढाएको जनाएको छ । अनुसन्धानका क्रममा श्रेष्ठ ‘हनी ट्र्याप’मा पारेर आपराधिक लाभ उठाउने कार्यमा सङ्लग्न रहेको खुलेपछि उनलाई पक्राउ गरिएको प्रहरीले जनाएको छ ।प्रहरीले श्रेष्ठलाई असोज ५ गते पक्राउ गरेको हो । जिल्ला प्रहरी कार्यालय बाँकेका अनुसार उनीमाथि थप अनुसन्धान भइरहेको छ ।